လွတ်လပ်သောစိတ်...လွတ်လပ်သောအတွေးအခေါ်တို့ဖြင့် လွတ်လပ်သောဘ၀ကိုရှာဖွေခြင်း... Searching the Real Peaceful Life through Open Mind....Open Thought...
Monday, November 21, 2011
ပျံလိုရာ ပျံနိုင်ပြီတဲ့လား
အလွန်အကျွံတောက်ပလွန်းလို့
စူးခဲ့ဖူးတဲ့ ဆူးတွေ
မူးနေခဲ့မိတဲ့ငါကတော့
ကျေးဇူးပါ။
နေ့
အမှောင်ရိပ်တွေကြား
မနမ်းခဲ့ဖူးတဲ့ ပန်းတွေ
ဘယ်သူမှမလွမ်းရင်နေ
အဲဒီတုန်းက
ငါ့ရဲ့အထီးကျန်မှု
ငါဘာသာငါလွမ်းတယ်။
ခါးသီးမှုတွေက ချိုမြိန်လွန်းတယ်
လှပမှုတွေက အကျည်းတန်လွန်းတယ်
ပူလောင်မှုတွေက စွတ်စိုလွန်းတယ်
ငါ့ခံစားချက်တွေကတော့ ခြောက်သွေ့လွန်းတယ်။
ဖြောင့်နေတဲ့ လမ်းမကြီးက
တည့်တည့်မသွားတတ်တဲ့ငါ့အတွက်
ကွေ့ကောက်သွားတာ
ငါစိတ်မဆိုးရက်ပါဘူး။
လမ်းဆုံးရင်ရွာတွေ့မယ်တဲ့
ခရီးအဆုံးမှာ လမ်းမဆုံးသေးပေမယ့်
ငါခြေထောက်တွေက
ဘယ်တော့မှ မမုန်းပါဘူး။
အရောင်တူအဆင်လွဲခဲ့တဲ့
သင်းကွဲငှက်
တဖျက်ဖျက်ခတ်ရင်း ခရီးဆက်
အိမ်မက်တွေဆက်မက်နေဆဲပါ။
အလွဲလွဲအချော်အချော်တွေ
စားခဲ့ရတဲ့ ငါ့ခံတွင်းက
အော့အန်ထုတ်လိုက်ရတဲ့
အန်ဖက်အပိုင်းအစတွေကို
စာစာနာနာကြည့်အပြီး
ငါ့အတောင်မှာ
သူ....
စာတစ်ကြောင်းရေးသွားတယ်
“သင်ပျံလိုရာ ပျံနိုင်ပြီ” တဲ့။
ကျေးဇူးပါ
ကဗျာ...........................။
ပြေနိုင်ဦး
အလွဲနိဒါန်း
ဖတ်ဖို့စာတစ်အုပ်
စားဖို့ထမင်းတစ်ထုပ်
အဖေလုပ်သူပေးလိုက်တယ်။
ယောင်ယောင်မှားမှား
အတွေးများနဲ့
ဖတ်ခဲ့မိ
စားခဲ့မိ။
နာတာရှည်
အစာမကြေခြင်း
ခေါင်းကိုက်ခြင်း
ဝေဒနာ။
ခုမှသိပြီ
ငါ့ရင်ထဲမှာ စာရွက်တွေက တဖျက်ဖျက် တလှပ်လှပ်
ငါ့ခေါင်းထဲမှာ ထမင်းလုံးတွေက တရုံးရုံး တ၀ုန်းဝုန်း။
Sunday, November 20, 2011
ထွက်ဆိုချက်
ဟုတ်ကဲ့။
မင်းဘာကြောင့် အလုပ်ကိုကောင်းကောင်းမလုပ်ပဲ
အားတိုင်း facebook လာလာသုံးနေရတာလဲ။
ဟုတ်ကဲ့ပါ...
နှစ်လုံးသားက စေခိုင်းတဲ့အခါ နဲ့
ကြိမ်နဲ့အတို့ခံရတဲ့ အခါတွေကလွဲရင်
ကျွန်တော် အခြားဘာအလုပ်မှ အပိုမလုပ်ပါဘူး။
ကိုင်း ဒါဆို မင်းရဲ့သားမယားကို
ဘယ်လို လောက်ငအောင် ရှာဖွေကျွေးမွေးလဲ။
ဟုတ်ကဲ့...
သူတို့တွေက ကျွန်တော့်နှလုံးသားကို
ဘယ်လိုနှိုးဆွရမယ်ဆိုတာ
သိနေကြတယ်လေ။
ကဲ..ဒါဆို မင်းရဲ့အလုပ်ရှင်တွေကရော..။
ဟုတ်ကဲ့...
သူတို့ကြတော့ ဘယ်အချိန်မှာ ကျွန်တော့်ကို ကြိမ်နဲ့တို့ပြီး
ဘယ်လိုနှစ်သိမ့်ရမယ်ဆိုတာ
သိနေကြပြန်ရောဗျ။
ကောင်းပြီ မောင်မင်း...ဘာပြောချင်သေးလဲ။
ဟုတ်ကဲ့..
ဘယ်ဘက်နားထဲက ကလေးငိုသံကြားပြီး
ညာဘက်နားထဲက ကြိမ်သံကြားနေရလို့
သွားခွင့်ပြုပါဦးခင်ဗျာ။
ဘာကွ.... ဒီအတိုင်းသွားလို့ရမလား..
မင်းကိုပြစ်ဒဏ်ချရဦးမယ်
မင်းကိုမှီခိုနေတဲ့ မင်းရဲ့မိသားစုရှေ့ရေးအတွက်
မင်းရဲ့ ခံစားတတ်တဲ့ မလောက်လေးမလောက်စား
မင်းနှလုံးသားကို
Facebook မှာထားခဲ့...ဒါပဲ။
Friday, November 11, 2011
Thursday, November 10, 2011
အုတ်ကြားပေါက် မြက်
မျိုးစေ့လည်းမှန်..ပင်လည်းသန်..
ရေ၊လေလည်းကောင်း..နေခြည်လောင်း...
ရွက်ဟောင်းလည်းကြွေ...ရွက်သစ်ဝေကာ..
အချိန်တွေသာ နှောင်းခဲ့ပြီလား...
Thursday, November 3, 2011
ဖြေသိမ့်လိုက်
စိတ်တင်းကြပ်တဲ့အခါ စိတ်ထွက်ပေါက်လေးပေးလိုက်ပါ
ခန္ဓာကိုယ် ပင်ပန်းဆင်းရဲတဲ့အခါ အနားယူခြင်းထွက်ပေါက်လေးပေးလိုက်ပါ
မုန်းတီးနာကြီးမှုတွေ တိုးဝေ့လာတဲ့အခါ ခွင့်လွှတ်ခြင်း တံခါးလေးဖွင့်ပေးလိုက်ပါ
ကဲ့ရဲ့ရှုံ့ချခံရတဲ့အခါ အဝေဖန်ခံနိုင်ခြင်းဂုဏ်သတ္တိလေးနဲ့ တွန်းလှန်လိုက်ပါ
တစ်ကိုယ်တည်း အထီးကျန်တဲ့အခါ တိတ်ဆိတ်ငြိမ်သက်ခြင်း အရသာလေးနဲ့ အဖော်ပြုလိုက်ပါ
တစ်စုံတစ်ရာဆုံးရှုံးသွားတဲ့အခါ သဘာဝဘေးဒဏ်ခံ ဒုက္ခသည်တွေကို ကိုယ်ချင်းစာရင်း ဖြေသိမ့်လိုက်ပါ
ဤစာကို ရေးနေသူကတော့ ဒါလေးရေးပြီးတော့ပဲဖြေသိမ့်လိုက်ပါပြီ....